CLXXIV.

1340, Juni 16. Frankenstein.

Dem Klosterwerden die herzoglichen Privilegien, insbesondere das Marktrecht auf dem Klosterplatze, bestätigt.

In nomine domini amen. Ratio consulit, pietas ammonet et ad perpetuam principum cedit gloriam, religiosos Christi famulos libertates et bona ipsorum cum eorum subditis libertatibus et possessionibus ita tueri, ut deo quietius famulari valeant. Hinc nos Bolko, dei gratia dux Zlezie et dominus de Furstenbergk et de Monsterbergk, fratribus monasterii Camencz deo devote famulantibus favorabiliter inclinati omnia eorum dominia, libertates et privilegiacuiuscunque tenoris existentia ipsis a predecessoribus nostris illustribus ducibus Zlezie concessa et donata singula etiam privilegia alia et immunitates ab aliis nobilibus et ecclesiasticia personis et prelatis rationabiliter obtenta innovamus, approbamus, ratificamus et presentis scripti patrocinio imperpetuum possidendum confirmamus; et signanter privilegium super libertate fori in planicie monasterii tenendi ac etiam privilegium super iurisaccione et auctoritate ducali et expositione omnium artificiorum, thabernarum et quomodo se in brasiando et braxando libere tenere habeant. Volumus etiam, ut ipsi ac subditi eorum homines, quicunque ementes et vendentes bladum ac alia victus necessaria in urbibus nostris ac etiam in eis, qui ipsis crevere preter omnem theolonii solutionem, quemadmodum semper antea consuevere libere, adducant et abducant sine quovis impedimento. Cum autem bona et possessiones eorum ecclesiastica et spiritualia facta sint et merito ecclesiastice iurisdictioni subiaceant, annuimus et favemus, ut sua bona, possessiones et libertates canonico et ecclesiastico aut seculari, prout eis melius placuerit, defendant et tueantur iurisactione cuiusvis contradictionis semota. Ut autem hec omnia nostre innovationis, approbationis et confirmationis robur perpetuum obtineant, hoc presens nostrum autenticum claustro Camencz et conventui scribi mandavimus et sigilli nostri appensione muniri. Actum et datum in Franckensteyn sexta feria infra octavas solempnitatis Corporis Jesu Christi anno incarnationis eiusdem M°. CCC°. quadragesimo, presentibus testibus: videlicet illustrissimo principe domino Bolkone duce de Sweydnicz patruo nostro, item fidelibus nostris militibus dominis Alberto de Kewbicz capitaneo terre nostre, Merbothone de Hayn et Johanne fratre ipsius, Heynrico de Hawbicz, Arnoldo de Peterszwald, Johanne Budaw et aliis pluribus fidedignis.

Fälschung aus dem Anfange des 16. Jahrhunderts, für welche die vorhergehende Urkunde (No. CLXXIII.) als Muster gedient hat. Das an Seidenfäden anhängende S. des Herzogs (Reitersiegel 2. Art) mit Rücksiegel ist auffallend dünn und lässt deutlich die mittelst eines heissgemachten Messers bewerkstelligte Trennung und Wiederverschmelzung der Vorder- und der Rückseite eines echten Siegels erkennen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.